上堂課，我哋學習咗 ETF 嘅定投策略，以及月供點樣止盈止蝕。相信你一定可以減少「賣飛」嘅機會，增加止盈效率啦。
咁呢節課，我哋嚟學習更加重要嘅知識—— ETF 嘅交易策略，話你知如何精明買賣 ETF ！
一、金字塔交易策略
1. 乜嘢係金字塔交易策略？
金字塔交易策略亦稱為金字塔買賣策略，係傳奇投機客—利文摩爾（Jesse Livermore）最早提出嘅。作為投機高手，利文摩爾從來唔會奢望喺最低點買入，在最高點賣出。佢認為：如果一個人每次都可以食到中間呢段最肥嘅利潤，咁幾年之後就係市場嘅大鱷啦。
金字塔交易策略主要包含「買」同「賣」兩個交易方向。簡單總結佢呢種 ETF 交易策略就係：正金字塔買進，倒金字塔賣出。
2. 正金字塔買進
正金字塔買入法就喺：投資時應該喺低價位買入較大數量，跌幅越大，投入嘅金額越多。
圖1: 正金字塔買進法圖例
假設一下：對於某隻 ETF 嘅跌幅曲線，套入一個等邊三角形。假設呢隻 ETF 嘅單位淨值而家係3美元，買入嘅基金份額係1,000份。當市場繼續下跌，呢隻 ETF 嘅單位淨值跌到咗2美元每份，呢時候買入2,000份。單位淨值跌到1美元每份時，繼續買入3,000份。
當然，對於呢種交易策略嘅起點，以及買入次數具體係3次定係4次，以及每次買入嘅份數等等，都可以由你自己決定。
透過金字塔買入法，投資者可以將 ETF 下跌嘅淨值同買入份額進行量化，防止喺市場大跌時出現亂買，失去投資紀律嘅情況出現。同時，金字塔買進策略亦都可以幫投資者把更多嘅資金匯聚喺市場底部，大大降低咗購入 ETF 嘅整體成本。
3. 倒金字塔賣出
倒金字塔賣出法與正金字塔買入法嘅交易方式相反：隨住 ETF 單位淨值嘅上升，賣出份額逐漸增加，以賺取更多嘅差價收益。
做成圖就係咁：對於某隻 ETF 嘅上升淨值曲線，套入一個倒三角形，把賣出嘅第一筆設定為倒三角形嘅頂點。
圖2: 倒金字塔賣出法圖例
假設一下：呢隻 ETF 嘅單位淨值而家係1美元，賣出嘅基金份額係1,000份。當市場繼續上升，呢隻 ETF 嘅單位淨值升到每份2美元，呢時候賣出2,000份。單位淨值升到每份3美元時，繼續賣出3,000份。
同樣嘅，對於倒金字塔賣出嘅起點，賣出次數同每次嘅賣出份額，都可以根據自己嘅風險偏好同資金嚟決定。
透過呢種 ETF 交易策略，投資者可以較好嘅把控 ETF 嘅賣點，及時止盈，利用合理嘅投資方法將收益放大。
二、網格交易策略
金字塔交易策略更加適合牛市同熊市噉類單邊上升同下跌嘅市場行情，咁如果遇上 ETF 喺某個區間波動，無論喺左側還係右側交易都冇多少空間，呢種情況應該點做？
是否能夠搵到一種適合震盪市場嘅短線 ETF 嘅投資方式呢？接下嚟我地講講網格交易策略。
1. 乜嘢係網格交易策略？
網格交易策略起源於「信息論之父」克勞德·香農（Claud E. Shannon）。喺克勞德·香農嘅職業生涯中，佢靠住網格交易策略實現咗接近30 % 嘅年化收益率。佢嘅投資理論其實好簡單，就係先用50% 嘅資金買入初始倉位，然後當價格上升到一定幅度就賣出一部分倉位套現，當價格下跌到一定幅度就買入一部分倉位補倉。
簡單嚟講，就係喺一個「網格」區間內進行低買高賣，賺取交易差價（如圖）。
圖3: 網格交易策略圖例
2. 網格交易策略嘅操作步驟
（1）第一步：制定網格計劃
假設你有1萬美元計劃要投資到某 ETF 中，如果每格倉位為1,000美元，咁一共可以建立10個格子嘅網格交易系統。
設定而家要投資嘅 ETF 淨值為10美元/份，每個格子按照漲跌幅10%計算，咁一共可以覆蓋10美元到3.87美元嘅空間。
（2）第二步：按照網格買入股票
由起始價位10美元開始，價格每跌一格，就買入對應嘅資金量。以下面嘅表格為例，在10美元時買入100份 ETF ，價格為1,000美元。 ETF 單位淨值跌到9美元，咁就買入110份 ETF ，以此類推。
由於 ETF 嘅單位淨值格降得越多，相同資金可買嘅份额數就越多，直到 ETF 淨值為3.87美元嗰陣可以買到250份基金。
（3）第三步：按照網格賣出股票
咁邊時賣出？由買入價位開始，價格每上升一格，就賣掉買入嘅倉位。以下表為例，以3.87美元買入250份 ETF ，當 ETF 嘅淨值回到4.2美元嗰陣，就賣掉250份 ETF 。以4.2美元買入230份 ETF ，當 ETF 淨值回到4.78時，就賣掉230份，以此類推。
圖4: 網格交易策略如何制訂
*以上圖片數據僅用於舉例，分紅、佣金同其他交易費用（換匯手續費）均排除。
按照網格交易策略，我地可以測試下最終嘅收益情況。 ETF 淨值從10美元跌到3.87美元嗰過程中，總計買入咗9,696.5美元。然後 ETF 從3.87美元上漲到10美元嗰過程中，總計賣出10,763.9美元。最終獲得嘅總收益為11%。
喺一跌一涨嗰過程中， ETF 冇創出新高，但透過網格交易策略，即使只回到咗原位，你都可以或者接近11%嘅收益，遠遠超過咗買入並持有嘅策略。
3. 點樣提高網格交易策略嘅效率？
呢度需要提醒你一句：並唔係喺所有嘅 ETF 投資都適合網格交易策略。喺使用呢個策略時，需要留意以下三種情況：
（1）判斷而家市場情況
網格交易策略最適用嘅市場係震盪市場。喺牛市或者熊市中，構建網格會非常困難。單邊上漲嘅市場會導致無法用網格買到低位嘅籌碼；單邊下跌嘅市場好容易擊穿網格，讓投資者過早嘅耗盡手上嘅所有現金。
因此，要使用網格策略去交易 ETF 以提高效率，一定要優先判斷而家市場是否滿足震盪市場行情。
（2）選擇底倉+網格交易策略嘅組合形式
構建網格嘅難點係，剛好用網格覆蓋住一條完整嘅下跌、上漲曲線。也就係話，在一條震盪曲線中，能用網格覆蓋嘅點位越多，套取差價嘅頻次就越高，兌現嘅利潤就越多。
但係，往往喺現實中，波谲云诡嘅股市並唔會俾你最完美嘅震盪曲線。喺使用網格交易策略嘅時候，好多投資者經常會被 ETF 嘅波動曲線擊穿，網格交易策效率好低。
如果你總係把握唔好呢個 ETF 交易策略嘅間距，咁你完全可以考慮採用「底倉+網格」嘅交易形式。就係開始網格交易之前，先買入一部分底倉。底倉嘅比例可以根據你對市場嘅判斷嚟決定，比如30%-50%，剩餘嘅資金則採用網格交易策略。
（3）盡量選擇波動率較高嘅 ETF
網格交易嘅收益率取決於 ETF 嘅波動率。波動率越高，越容易觸及買入同賣出線，獲取買賣差價嘅頻率亦會增加。
所以，在使用網格交易策略嘅時候，盡量選擇如股票 ETF 等波動較高嘅品種。如果選擇低波動品種，如債券 ETF ，交易嘅效率就會大大降低。
喺Tiger Trade App上，點擊「行情」，點擊「股票」，往下拉動頁面便可以睇到 ETF 榜單。
以其中嘅納指100 ETF （QQQ）為例，點擊「分析」，就可以睇到來自老虎官方嘅診斷數據。喺呢個數據度，波動較大，流動性高嘅 ETF ，網格交易策略嘅適用性更好。
Disclaimer：以上提到的納指 100 ETF （QQQ）同及其展示截圖僅作為實例用於學習，並非推薦具體的投資標的。Tiger Trade 中的分析同建議，並非具體投資意見。投資前，請對自身風控能力進行評估
4. 網格交易策略嘅注意事項
喺使用網格交易策略時，應該留意以下情況：
（1）擊穿網格
第一種係底部被擊穿，帳戶中可用現金變少，咁投資者應該結合市場行情綜合判斷。呢時候可以擴大每一格嘅間距，每一次補倉都應該更加謹慎。一定記住別打完最後一顆子彈。
另一種情況就係頂部被擊穿，超過咗網格中最高賣出價格仲繼續上漲。你同樣需要對市場進行判斷。但係呢個時候已經唔宜追高，更好嘅方法係耐心等待市場回落，再次布局網格交易策略。
（2）呢種 ETF 交易策略適合咩人？
網格交易策略需要投資者對於市場有一定嘅主觀判斷能力，以及更多嘅精力去構建網格同埋執行網格操作。其實唔太適合工作繁忙嘅上班族。
三、月供 VS 單次交易： ETF 交易的常見形式
咁學習完單次交易，你仲記晤記得月供呢？ ETF 月供同 ETF 單次交易都係常見嘅兩種交易形式。咁佢哋之間有咩唔同？
ETF 月供：講白啲，就係定期用相同或者唔同嘅錢去買同一樣投資產品。
ETF 單次交易：係指似普通股票投資咁樣，一次買入，一次賣出。相比於 ETF 月供，單次交易對於入場時機嘅要求，以及交易能力都會更高。（特別提醒：呢種投資方式更加適合精力充足，且對於股市有一定投資經驗嘅朋友。）
因此，你都可以根據你自己的投資偏好與能力，選擇合適嘅 ETF 買賣方式同策略，以捕捉更多市場機會！雖然話 ETF 相對其他投資產品雖然風險偏低，但係仲有啲不為人知嘅陷阱，下一堂會同你再次分享。持續關注我哋啦！
Disclaimer: 投資涉及風險。老虎證券對資訊準確性、完整性、及時性不做擔保，並不構成任何投資建議。基金投資面臨一定的風險，包括但不限於利率、信貸、行業前景和監管要求。 投資者在做出投資決定前, 應詳細閱讀相關發行文件並諮詢專業投資顧問。